Եթե ծրագրում եք անցկացնել որևէ միջոցառում, մեր երկու կոնֆերանս դահլիճները կդառնան լավագույն ընտրությունը։ Յուրաքանչյուրը՝ 175 և 200 քառակուսի մետր մակերեսով, համալրված է ժամանակակից տեխնիկայով՝ ապահովելով բիզնես և ժամանցային բոլոր պահանջները։ Միկրոֆոններ, պրոյեկտորներ և թարգմանչական սարքավորումներ՝ Ձեր շնորհանդեսների, քննարկումների կամ մեծ համաժողովների համար, իսկ դահլիճի նստատեղերը հնարավոր է հարմարեցնել՝ ըստ միջոցառման ձևաչափի։
Սրահները գտնվում են հյուրանոցի առանձնացված, հանգիստ հատվածում, ինչը երաշխավորում է անխափան ժամանց։ ԱՌկա կից նախասրահը կարող է ծառայել որպես ընդմիջման տարածք, որտեղ ըստ անհրաժեշտության տրամադրվում են թեյ, սուրճ և այլ հյուրասիրություն։
Մեր սրահներում մենք արդեն իսկ հյուրընկալել ենք սեմինարներ, վերապատրաստման դասընթացներ, խնջույքներ, հարսանեկան արարողություններ, Ամանորյա տոնակատարություններ և մի շարք այլ միջոցառումներ։ Թույլ տվեք մեզ հոգալ բոլոր կազմակերպչական հոգսերը և մենք կօգնենք դարձնել Ձեր հաջորդ միջոցառումը հաջողված ու հիշարժան։
